Ponchik Monchik

Գյումրիի քաղցրությունն ու Երևանի արևոտ տրամադրությունը դարձան Ponchik Monchik-ի նոր վիզուալ ինքնության հիմքը։ Բրենդը կառուցված է ջերմ, ընտանեկան ու թեթև մթնոլորտ ստեղծելու գաղափարի վրա․ մի վայր, որտեղ մարդիկ, անկախ տարիքից, կարող են կտրվել քաղաքի արագությունից, կենտրոնանալ պահի վրա ու պարզապես վայելել Գյումրվա հայտնի պոնչիկը Երևանի ամենասիրուն անկյուններից մեկում։
Նոր լոգոն, ինչպես նաև գույներն ու ամբողջ վիզուալ համակագը, կառուցված է բալանսի վրա՝ չափավոր լուրջ և չափավոր խաղային։
Կարևոր նպատակներից էր ստեղծել ինքնություն, որը կարտահայտի պոնչիկի շուրջ ձևավորված ուրախ ու թեթև մթնոլորտը, բայց միևնույն ժամանակ չի ընկալվի զուտ մանկական։
Հաշվի առնելով նաև Ponchik Monchik-ի անցած ճանապարհն ու մարդկանց մոտ ձևավորված կապը բրենդի հետ՝ առաջնային լոգոյում ներառվել է նաև from Gyumri ենթագրությունը՝ ընդգծելով բրենդի ծագումն ու այն քաղաքը, որտեղից սկսվել է այս պատմությունը։